Dende aquí queremos desexarvos unhas moi boas festas, ou cando menos, as mellores festas dentro do posible. Este ano que comeza esperemos que mellore moito o anterior, e esperamos que, despois de todas as dificultades que houbo este primeiro trimestre, empecemos o 2010 con moitas forzas, sorte, e ilusión.
Unha aperta moi forte!!
Arquivado en: Uncategorized | Deixar un comentario »
Hola de novo a todos e todas
Na xuntanza do pasado martes, falamos dos seguintes temas.
Simplemente comentamos que o Ministerio de Salud, o Sergas, e a Consellería de Educación, elaboraron cadanseus protocolos de actuación en caso de aparición de casos sospeitosos. Estes protocolos, son os que nos veñen reflictidos no papel que lle deron aos nosos fillos e fillas os primeiros días do curso, e son os que están na páxina web na seguinte ligazón.
Como moitos sabedes, os pais de Luisa, – Dores e Eloy -, ambos membros da directiva da A.N.P.A., deixaron de selo xa que a nena non ven xa ao cole a Viloira (xa non vive en O Barco). Así que facía falta “fichar” a dúas persoas máis, que serán Dori e Alice.
¡Unha agarimosa aperta a Luisa, Dores e Eloy!
Este ano temos 3 tipos de actividades, as que organiza o Concello, as que organiza o Colexio e as que organiza a A.N.P.A.
Este ano o Concello pagará a uns monitores para que veñan impartir estas actividades ao colexio, polo que serán de balde, é dicir, non haberá que pagar. Son organizadas polo Concello pero coordenadas polo colexio, así que para informarse ou apuntarse haberá que falar con Reme.
Para cada unha delas haberá dous días, un para os nenos e nenas de 1º, 2º e 3º de primaria, e outro para os de 4º, 5º e 6º. Desgraciadamente, non montaron nada para a rapazada de infantil.
Xa sabedes que hai dous tipos de actividades; as que son levadas a cabo por pais e nais voluntarios e polo tanto son gratis, e as que hai que pagar, porque se contrata a un ou unha profesional que nos veña a impartir algún curso. Pedímosvos, coma sempre, a vosa colaboración para isto, tanto se se vos ocorre algo para levar a cabo como se é para botar unha man a algo que organicemos nós.
Pasaremosvos un día desta semana (se non da tempo, da semana que ven), un papel para que vos apuntedes e poder montar as actividades o antes posible. Este ano levamos retraso porque estivemos esperando a que o Concello nos informase de como ían ser as actividades que montaron eles.
Parece ser (por conversación de Reme coa Xefa Territorial de Educación) que xa está destinada unha partida de 800.000 € nos orzamentos deste ano para a construción do pavillón. Vai sair xa a concurso público para a contratación da obra, e parece ser que as obras van comezar en xaneiro e rematar en setembro.
O ano pasado estabamos no mesmo, pero cambiou o governo e nos quitaron os cartos. A novasituación é que estes cartos son deste governo, e non vai cambiar nos vindeiros case catro anos (…) A ver cando poñen os postes co cartel na finca.
Se desta non vai, teremonos que poñer en Santiago a comer diante da Consellería.
Os que temos fillos ou fillas no comedor do colexio, sabemos que aínda non pagamos nada, e, o que é peor, non sabemos canto temos que pagar, nin cando. Isto non é cousa do colexio, é cousa da Xunta, que aínda está debatindo canto nos vai cobrar polo servizo. O que se conta é que queren subir a cota, e a oposición oponse (que é o que ten que facer), e por iso non se da decidido canto.
Tampouco se sabe como se vai facer, se se vai pagar no banco ou se poderá domiciliar. E por último, non se sabe tampouco se se pagará a mes vencido, pagando os días que os cativos comeron, ou se se pagará por adiantado (como pretenden eles), pagando todos os días, comase ou non.
O que está claro é que dentro de certo tempo, teremos que pagar todos os meses que levamos xuntos, ao cal, non hai dereito. Daquela imos ter que ir comer á Xunta.
E iso que os cartos que se aforrou a Xunta ao non pagar os libros de texto, que xa non son gratis, en teoría ía para os comedores… debe ser para os comedores dos conselleiros…
Tal como xa fixemos o ano pasado, organizaremos unha excursión / andaina pola serra da Enciña da Lastra, posiblemente saíndo de Vilardesilva e chegando a Covas, como convivencia de pais, nais, nenos e nenas.
A idea é sair de mañán, andar por alí, polos camiños, polos soutos, comer unhas empanadas a algunha outra cousa, e facer un magosto despois.
No papel que pasaremos para as actividades, vos poderedes apuntar para esta actividade, e suxerir un día para a realización da mesma.
Por último, decidiuse por votación, e por ampla maioría, subir a cota anual de 12 a 15 €. O ano pasado xa non se subira, e 3 € ao ano, pois tampouco é tanto.
Para o pago das cotas faremos como o ano pasado; poremos unha semana para pagar e haberá alguén da directiva na mesa de Marcelino para recoller os cartos. Tentade pagar todos nesa semana, para poder deixar o asunto listo o antes posible.
Por último, facemos de novo un chamamento a todos e todas para que veñades ás xuntanzas que celebremos, que é a maneira de enteirarse das cousas de primeira man, e é o sitio adecuado para comentar/pedir/reclamar/protestar, etc. E por suposto, é o sitio onde se realizan as votacións que haxa que facer, e polo tanto, o sitio onde se deciden as cousas. Tede en conta que os que vaian deciden para todos e todas.
E tentade tamén colaborar coas actividades que se organicen (excursións, entroido, maios, etc), que se fan para os nosos fillos e fillas, non para outra cousa. O pasan ben, e ademáis conseguimos cartos para poder organizarlles máis cousas.
Nada máis, moitas grazas
Arquivado en: Uncategorized | Deixar un comentario »
Xeoruse moita alarma social dende hai uns meses co tema este da gripe A. Clicando nas seguintes imaxes podedes ver as instrucións doSergas, ca Consellería de Educación e do Ministerio de Sanidad.
Arquivado en: Avisos | Deixar un comentario »
O novo executivo autonómico quitounos o que xa conseguiramos do outro. Co traballo que custou conseguir que se mercasen as fincas, e se puxese todo legal e por escrito, volvemos quedar a cero. Os que votastes ao PP podedeslles das as grazas pola medida.
Xa estaba autorizado o pavillón, xa tiña unha partida orzamentaria asignada, é dicir, xa había uns cartos que eran para isto, e xa había planos provisionais e todo. Pero agora chegou o novo conselleiro e estimou que se van destinar eses cartos a cousas pequenas que sexan máis importantes. Se cadra non consideran importante que os nosos fillos e fillas estean comendo de prestado nunha casa que non é comedor nin é nada, ou que teñan que andar cruzando a rúa para ir comer, chova ou vente, ou que non teñan nin unha mísera cancha de baloncesto nin de futbito, nin unhas duchas axeitadas.
Deamoslles as grazas, porque seguramente estamos pedindo de máis e nos están educando… unha petición que se remonta a cando estudaban eiquí moitos pais e nais dos que agora van ás clases.
Seguramente debe ser moito máis importante gastar 300.000 euros (trescentos mil) nunhas enquisas trampa sobre o uso do galego…e que non valeron para nada…. co que se gastou aí, xa se pagaba a planta baixa do pavillón. ¡ISO SI QUE ERA URXENTE!
Arquivado en: comedor | Etiquetado: comedor,pavillón | 6 Comentarios »
O novo executivo autonómico decidiu que non estaba ben que todo o mundo tivese os libros de texto gratis. Os que votastes ao PP podedeslles dar as grazas pola nova medida.
A partir de agora, haberá que mercar os libros a principio de curso, e os que queiran, poderán solicitar unha beca, que se resolverá unha vez iniciado o curso. As familias cunha renda de ata 5.400 € por membro ou 6.000 € se é familia monoparental, poderán ter ata un máximo de 180 € de axuda por neno ou nena. Se a renda familiar é maior, pero nunca superior a 9.000 € por persoa, poderán optar á metade de dita subvención.
No caso de alumnado de Educación Especial, a bolsa será de 250€ por alumno, independentemente da situación familiar.
No curso 2009-2010, a medida implantase nos cursos de 1º, 2º, 5º e 6º de primaria.
No curso 2010-2011, implantarase en 3º e 4º de primaria.
no curso 2011-2012, implantarase en 1º e 3º de E.S.O.
No curso 2012-2013, implantarase en 2º e 4º de E.S.O., co cal estará totalmente abolido o sistema de empréstito, a non ser que nas eleccións autonómicas gañen outros, e o volvan poñer.
Podedes ver o documento oficial da consellería na seguinte ligazón.
Arquivado en: Avisos | 2 Comentarios »
Aínda que xa había algunha xente que pagou algo o ano pasado por comer no comedor escolar, o novo goberno, endureceu os requisitos necesarios para as becas do comedor. Os que votastes ao PP podedeslles dar as grazas pola nova medida.
O asunto vai como segue. A Xunta autoriza un número de prazas de comedor suxerido polo Consello Escolar, en base, sobre todo, aos medios humanos e materiais dispoñibles, e ao número de alumnos e alumnas.
Unha vez coñecido o número de prazas e solicitantes, a Consellería concede unhas becas coas que se subvenciona o pago do comedor a un certo número de alumnos. Pode ser que subvencione o 100%, e o alumno non pague nada, o 50% e pague a metade, ou que o alumno ou alumna teña dereito a beca, pero pague todo. Nesta caso, o Xunta paga unha pequena cantidade á empresa que faga o catering.
No caso de que non teñamos beca e o noso fillo ou filla quede a comer no colexio, deberemos aboar o 100% do importe, e ademáis a pequena cantidade que a Xunta paga ao catering, é dicir, deberemos pagar entre 3 e 4 euros por día.
Actualmente, hai 96 solicitudes de comedor, pero hai unhas 85 prazas, polo que 11 nenos ou nenas, quedarán fora, é dicir, deberán pagar 3 euros e pico por día, se queren quedar a comer.
Terán beca polo 100%:
Renda= 450 + 452 – 454 + 457 + 460 – 741 Se se fan na familia dúas declaracións, hai que facer a conta para cada un, e sumar os dous resultados.
ata 3 membros na familia, renda ata 22.141, 01 €
4 membros, renda ata 25.307,44 €
Terán beca polo 50%, e polo tanto, pagarán 1,50€ por día
ata 3 membros, renda entre 22.144,01 € e 31.634,30 €
4 membros, renda entre 25.307,44 € e 34.797,73 €
Pagarán o total do prezo, é dicir, 3 € diarios,
Pagarán o total do prezo e a aportación da xunta, é dicir, algo máis de 3 euros diarios.
DOCUMENTACIÓN NECESARIA
Na primeira semana de setembro publicarase a listaxe de admitidos.
O 1º día do comedor será o de inicio das clases, o xoves 10 de setembro.
Arquivado en: comedor | 1 Comentario »
Xa están as fotos da convivencia de Cholo e Nela en Montederramo. Hoxe deronlle ás rapazas e aos rapaces que foron, un CD con 635 fotos moi variadas, e unhas sinxelas instrucións.
As fotos teñen calidade dabondo para verse moi ben no ordenador ou na tele. Se as queredes pasar a papel, como as fotos de toda a vida, en Foto Rufino e máis en Fotografía Michel-Ismael teñen un DVD coas fotos á máis alta calidade.
Tedes que levar escollidas as fotos que queirades imprimir. Para iso, apuntades simplemente o nome dos arquivos das fotos que ides pasar a papel, ou levades o CD e o vedes alí, na tenda, e escolledes.
Hai una par de vídeos dos nenos e nenas en Montederramo, pero non collía nos CDs. Deixaremoslle hoxe a Marcelino un DVD con ese par de vídeos, e o podedes ver ou copiar nos ordenadores do Telecentro, no colexio.
Esperamos que vos gusten.
Arquivado en: Actividades extra escolares,Excursións | Etiquetado: cholo e nela,convivencia,fotos,video | Deixar un comentario »
Según se acordou por votación na xuntanza da A.N.P.A. do pasado martes, a excursión de fin de curso deste curso será ao parque Parque de aventura “La Devesa” , en Bembibre. Pasarémolo moi ben, faremos tiro con arco, orientación, tirolina, montar a cabalo, etc.
A excursión será o domingo 21 de xuño.
A entrada ao parque e o autocar será financiado pola A.N.P.A., pero haberá que aportar unha cota simbólica de 8 euros, coa que pagaremos o xantar, que será no comedor do propio parque. Fixeronnos prezo calculando unha asistencia dunhas 30 persoas.
Haberá unha lista en secretaría do colexio para que vos apuntedes. Facédeo canto antes,xa que nos reservan o día se hai xente. Se non, como é lóxico,daranlle o día a outra excursión que teña xente bastante.
Arquivado en: Excursións | Etiquetado: bembibre,Excursións | 3 Comentarios »
Esta é a información da circular que repartiu o colexio sobre a excursión a Madrid dos días 4 e 5 de xuño.
O vindeiro 4 de xuño, vai ser a excursión a Madrid. O itinerario será o seguinte
Terán que levar algo para o almorzo do primeiro día e para a cea do segundo. Pararemos en áreas de servizo para facer descansos e comer o se leva ou mercar o que se precise.
NON SE PODE ESQUECER DE:
Non é necesario que os nenos e nenas leven móbiles, porque os profesores acompañantes levarán un listado cos teléfonos dos pais para chamalos en caso de necesidade.
Arquivado en: Excursións | Deixar un comentario »
Este ano temos bastantes fotos dos nosos nenos e nenas, xa que ia unha persoa da ANPA para sacalas.
Fixemos o posible porque saísen todos e todas, pero xa que ía dun lado para outro, e non estaban todos xuntos pois, inevitablemente, haberá ao mellor moitas fotos dalgúns que se movían moito, e menos doutros que non coincidiu.
Hai tamén algúns pequenos videos onde saen xogando, correndo, etc.
Agora temos que seleccionar para quitar as fotos repetidas, desenfocadas, e as que saísen mal, e pasar os vídeos da cámara ao ordendador. Cando estea todo feito vos pasaremos un CD con todas as fotos e os vídeos a cada familia dos que foi un neno ou unha nena.
Paciencia, que xa chegan!
Arquivado en: Excursións | Etiquetado: cholo e nela,fotos | Deixar un comentario »
